...... كثر الكلام ( كلمتين وبس )

كلمتين وبس على السريع

كتر الكلام
وصـرنا نسمع عن مذنـبيـن
وناس تعـارض وناس تأيـد
ويشبهــوهم بالكـافـرين

وناس تنـادى بالآوامـر
وقالـوا هما المحسنين

وعن حـلال وعن حـرام
وجلباب للمسلمين

وعن كنيسه وأضطهاد
وخلــق قالت مستــضعفين

أو تشكيــك فى عقيــده
وناس تنــــادى المنقــذيـن

أيـن كنتــم مـن سنيــن
فى جحـوركم كالمـوات
وأصبحتـم فيـنا مستـأسـديـن

نحـن قـوما لو عرفتتم
من نسـل أدم مسلمـين

وأبــن مريـم الطهـور
ونبيــه مـوسى موحـدين

كل يــوم تقــولوا فتـوى
وخلق صـارت متشـرذمين

والجهـل واضـح فـى الكـلام
كأن غيـرنا ماعنده ديـن

لوكنت فظـا أو غليظـا
قالـهـا رب العــالميـن

ينفضـوا عنـك ويتتركـوك
وفى سمــاعك مكـروهيــن

هو دينـا ديـن عصـايه
والا هـيئــة أو وزارة
أو جمـاعـه مستـشيـخين

دينـا فطـره فى القـلوب
ساعـات بنعـصى
وكمـان نتـــوب
ورب واحد للعالمـــين

جلباب ولحـيه
صـارت آمـارة
وعلامـــه للمتـــدينــــين

أصل البـارود فـى الحـرب عـرفت
ميــن المسيـحى
وفـين مكـان المسلمـين

والا بطــرس لما مــات
عزرائيــل سـأ ل ده مين ؟؟

حضن محمد فى التراب
ومعتمـد والشيــخ أمـين

خـدوا المشـوره من جنـابكم
لمـا كنتـــم صغـــيرين

لما ضحـوا لاجل مصـر
يلملمـوا ترابـها الحـزين

فهمـونا يامــؤمنيــــــــن
نسمـع كلامكــم
ونبقــى ليكوا طائعين

ده رســـولنا قـال لقــــومه
اتركـوا البـلد الامـين

فبه نجـــاشى أهل ذمه
وعنـــده أنتــم أمنـيـن

هو أصـله كان مسيــحى !؟
والا كان من المســلمين ؟

مسلم مسيحى احنا واحد
انزعــوا الجهل الدفيــن

وربـنــا رب واحـــد
هــوعــالم بالصـدور

عارف ميـن فى قلـبه جاحـد
وميـن علـى الظلــــم يثـور

العبــــادة مـش عمـامه
والا لحيـه على الصـدور

نفسـى نفهــم مــره واحــده
ونقـــراء مابيــن السطـــور

وأنــت ياخـويا المسيحى
ده انـت جـارى من سنـين

شفـت منـى مـره غلـطه ؟
والا كنـت من السـافــرين !!

ليـه تستقــوى بغيــرى
وانت عارف هو مــين

ليه تاخـدنى بفـكر قاصـر
لمـــا تشكـى للغـــريـب

أنت مصــرى وهو عارف
لو حلفـــت علـى الصلـيب

هايجـى يــــوم لازم يـذلـك
وأنـت فاكــــر انه حـــبيـب

انــــت منــــى وانا منــــك
وفى النهـــايه ! ياكلنـــا ديـب

ماتصــدقوش الكـذابـــين
اهل مصــر فـى ربــاط
وبرضــه فيهــم داجليـن

اللى طامـع فى الكراسى
واللى عـامل نفسه ناسـى
واللى قلبـه علينــا قاسـى
و يشجينا بكـلمة حنيـــن

وفيه من يعشـق خرابـهـا
يهـــــــد جامع او كنيسه
ويقول مُحمـد أخ عيسـى
ويفـرح فى مصـابنا الحـزيـن

الايــادى فـى المحـابــس
والنفـوذ على القلـب كابـس
فيـه نفـــوس تبيــع عيالها
لو مش كفـايه ! تبيـع مآسـى

كله واضـح وانت راسـى
والكــلام وجـع لى راسـى
العقـــول هنــاك تخــطط
واحنــــا فى الالام نواسـى

احـــــذروا يامسلمــين
وافهمـــــوا يامـوحــديــن
لاجـــل ماتعـــلا بلادنـا
ننـسى فـكر الخائنيــن

س/ ك ف 1/2012

أبو العلاء حرز

أبوالعلاء حرز

الله عليك يا ابو العلاء وعلي اشعارك اللي تلم الشمل لو كانوا يعقلون
توصيف دقيق للحالة المصرية والتيارات الجارية الآن
لكن انا والله متعشم خير
واشعارك دي تعتبر بلسم شافي لكل مريض بالعصبية الدينية
وخفيفة وسهلة شكرا يا فنان

كتر الكلام
وبقينا عايشين في مكلمة
ده خبير
وده ثورجي لكن معلمة
وخلق فاتحة بقها
مش فاهمة حاجة . مبلمة

أستاذي القدير وأخي المفن

نسيت أن أكتب لك ارشادات تعاطي كلماتي
حيث تقول الارشادات .. يجب تعاطي هذه الكلمات علي انها أي حاجة غير الشعر
أما في حالة تناولك لهذه الكلمات علي أنها شعر فيستلزم حجزك في المجمع اللغوي اسبوعين

لا شك أنك في غني عن اشادتي فقامتك أعلي من كل تعبيرات قلمي

دمت شاعر تحلق بنا في سماء السمو

.

.

إللهي

إللهـى فــؤادي أسيـــر الضلـــوع ... ينـاجيـك سـرا وأنــت السميــع
ويـرنـو إليـك بطــرف الرجــــاء ... فهـا قـد اغرقتنى بحـار الدمـوع
تبــاريـج وجـدى تسـوق الضنـى ... فجـد بالوصـال بحــق الشفيــــع
عـرفتــك يــارب فـى كـــل شــــئ ... فجئــت إليــك بشــوق المطيـــع

شعر

عبد القوي الأعلامي رحمه الله

الفرعون الفصيح

اقتباس:

أيـن كنتــم مـن سنيــن
فى جحـوركم كالمـوات
وأصبحتـم فيـنا مستـأسـديـن

صدقت يا شاعرنا
دولوقتي عاملين فيها اسود

تسلم ويسلم قلمك

حبيبي أبو العلاء اللي مطنشني
أزاي حضرتك عامل ايه
بالنسبة للقصيدة عداك العيب في كل كلمة كتبتها عشان كده الواحد لم نفسه بلا ثورة بلا وجع دماغ الناس عمالة تقطع في بعض وكله عايز يبقي حاجة وهو ولا حاجة ولو علي حساب البلد
قصيده من نار يا أستاذي

استاذنا الفاضل

ما نراه الان ليس الا نتاج للثقافه المشوهه
عند البعض والفهم والتطبيق ..الخاطىء للدين
سواء المسيحى او المسلم
اصول تربويه
مبنيه على خزعبلات وتراث وتقاليد متخلفة

بيدى لا بيد عمر
ظلم الدين
واصبح كل منا
فقيه
عالم
حاكم
لا الوم على الفهم الخاطىء
لكن الوم على اغبياء المربين
التفريط والجهل

سلمت ودمت بخير تقبل مرورى

اللهم أحينى مسلما وتوفنى مسلما وألحقنى بالصالحين

ترحيب جماعى

قلم جميل ومصرى أصيل
مداده أسمر وبعطر مية النيل
سلمت ياأستاذ أبو العلاء