..... دمعــة شهيــد

دمعة شهيد

وطنى
ياحاضن وحدتى وهمى
أحفر أخاديدك
وأبنى متاريسك
قلاع للحزن من دمى
على شطوط البدن
تظهر تجاعيدك
تتصافى وتتجافى
وتتعافى على دمعى
تسيل على الوجنة تتعاجب
وتتسـابق وتتمـايل
وتقتلنى وتعصرنـى
يمـوج الموت على خدى
ودم الخل فى يدى
وأحضن لياليها
بعطر حزنه الوردى
يتـوه الفرح فى ظـنى
وصوت القهرعلى سمعى
غناويها
وطن ريـح ومجاريـح
مايقـدر عليك النـوح
ويسبـح فى مداك عمرى
مابين الدمـعه والدمـعه
أقول موال
وذكرى تجـرى مخنـوقه
ليال طوال
يطـوى الفـرح أوراقه
وأهـدابه واحـداقه
تخبـو بالعيـون شمـعه
ينـام الجفـن يتثـاقل
ويتمـايل على دمعـه
وبرمـوشه وبحـروفه
يوشـوش لها بخـوفه
على وطنى
ويتمدد جسد فانـى
وعمرة فى يوم
ماكان جانـى
ورصاص الغدر فى حلقه
ودمع عيونه وجدانـى
فى قلب ميدانه محروسه
بقرأنه وأنجـيله
ومرسومه على صدرى
ومسجونه فى حرمانـى
بكف يدى أحملها
واطمنها
أواريها ثرى قلـبى
وأغنيـها لاولادى
وأسقيها ضنى عمرى
وأحكيها لآحفادى
يادمعه حايره من شوقى
لشط البحر مشتاقه
يطل الجرح من فوقى
والدنيا تزهو براقـة
وأسمع فيها صدى صوتى
يقول الدنيا فراقـة
وفى شروقى وفى غروبى
يطق الدم بعروقى
يفر من شرايينه
يئن الجرح فى نوحه
وسيف الصبر يجرحنى
ويذبحنى
فى ظل شجرة مقطوعه
وموجوعه
ومصلوبه على الشطـئان
يقوم البحر من نومه
ويغسل دمعتى بملحه
تعود البسمه للوجنة
ودمع الحُـر يحميها
يلملم دمعه أسرارة
ويرسلها مع خيله
ويدفن فيها اخبارة
ويعلن على الملاء سيرة
ويظهر فى المدى ضى
قناديل فى بحر بتلالى
وتعكسها مرايا الحـى
على جرحى وعلى دارى
يلوح فى الافق طيفه
وبسمه عشق على وجهه
رافع فى الفضاء سيفه
يهتف باسمك بلادى
سألت عنه وأنا سارى
ودمه الوردى على كفى
قالوا مات بشهامه
ومازلت بخوفـى حى

أبو العلاء حرز

28/11/2011

أبوالعلاء حرز

اقتباس:

رافع فى الفضاء سيفه
يهتف باسمك بلادى
سألت عنه وأنا سارى
ودمه الوردى على كفى
قالوا مات بشهامه
ومازلت بخوفـى حى

الله يا استاذنا
أقلام مصر مبدعة حتى فى أحلك الظروف
يخرج الإبداع ليزيد المشهد أحاسيس
قد لانجدها فى أى بلدان العالم

تحية لشهداء مصر

وتحية للأستاذ أو العلاء

ما أجمل أن يهمس قلم الموهوب لأمه أم الدنيا

وما أجمل أن يواسي فنان الكلمة بلاده بمثل ما قرأت

وما أجمل أن أري تلألئ اسمك الغالي بيننا

الغالي دائما أبا العلاء

كلمات مست شغاف قلبي دون مجاملة فهي تعبير صادق لما يجري بين حنايا قلوب المصريين الآن

.

إللهي

إللهـى فــؤادي أسيـــر الضلـــوع ... ينـاجيـك سـرا وأنــت السميــع
ويـرنـو إليـك بطــرف الرجــــاء ... فهـا قـد اغرقتنى بحـار الدمـوع
تبــاريـج وجـدى تسـوق الضنـى ... فجـد بالوصـال بحــق الشفيــــع
عـرفتــك يــارب فـى كـــل شــــئ ... فجئــت إليــك بشــوق المطيـــع

شعر

عبد القوي الأعلامي رحمه الله

الفرعون الفصيح

الأستاذ الشاعر أبو العلاء حرز
دمعة الشهيد ودمه سيرويان شجرة الحرية لتمتد أغصانها لتظلل على كل الوطن وتمسح دوع الثكالى وتعطى المحرومين
أستاذى أبو العلاء نظمت فأحسنت

حبيبي الأستاذ أبو العلاء

أخبارك ايه يا غايب بقي تعمل قصيده في الشهيد ولما اتمسكت واتحاكمت معملتش فيا كلمة ولا لازما أموت عشان أنول قصيده منك

علي فكرة القصيده دي رهيبه ويمكن أنا اكتر واحد حسيت بيها لأني شفتها بعيني وعشتها بنفسي في التحرير والله يا أستاذ شباب زي الورد راحو كده بطلقة واحدة واللي بيقولو بلطجية لا ابدا دول فيهم شباب زي النسمة

عشان كده كلامك انا حسيت بيه جدا

مشاعر صادقة لشاعر مبدع