الشاعر والأديب القصصى
الجواد البرى
(( أبو مازن ))
جمهورية مصر العربية
لا يا مصر
ما تكونيش ريشة تحركها الأيادي
د أنتِ صرح رغم اقوال الأعادي
واللي حاصل لك ده شيء خايب وعادي
اللي خانوكي مش إحنا
وإن سكتنا الله يسامحنا
لكن إنتِ رمز غالي
نجمة طايرة في العلالي
وشبابك هم خيرك
هم نبضك وضميرك
واللي برة بيشمتوا ...ده كاس وداير
ياما كانوا ف حضننا
كانوا همنا ، وبلاش نعاير
إحنا يكفينا أمنا نرجع ناخدها تضمنا
ولا يوم نزايد
ما هو اللي جاري عندنا ده حقد زايد
يا شبابنا فوقوا لنفسكم وبلاش نعاند
وبلاش نلوم في بعضنا وبلاش نكايد
صهيون عاوزنا لوحدنا من غير مساند
لو بس نجمع نفسنا على أرضنا والروح نعاهد
نفدي وطنا وأمنا ونبقى ساعد
كل الامور حتكون بخير والحلم واعد
أبومازن
2:25 م
بتوقيت القاهرة
جـــــــــــــــارة القمـــــــــــر
(
(( هديـــــــــــــل الحمـــــــــام )))
موضوع: ديوان ثوار 25 يناير بقلم شعراء المنتدى 
الأحد 06 فبراير 2011, 3:17 pm
