الشاعر عبد القوى الأعلامى



 
الرئيسيةالبوابةس .و .جالتسجيلدخول
عصفور 
عصفور 
Uploaded with Avramovic Web Solutions ImageShack Hotspot
عصفور 
عصفور 
عصفور 
شاطر | 
 

 احدى قوانين العقل الا واعى تعلم كيف تتعامل مع الغير

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
الصقر المصرى
عضو جديد
عضو جديد


ذكر
عدد الرسائل: 16
العمر: 27

بلد الإقامة: مصر المعادى



نقاط: 28
السٌّمعَة: 0


مُساهمةموضوع: احدى قوانين العقل الا واعى تعلم كيف تتعامل مع الغير    7/1/2011, 21:19

كيف تتحدث إلـــى البشـــر !!
اقتباس :
العقل الاواعى لا يفهم النفي بصورة مباشرة

عذراً ,, فالمقالة باللغة العامية العربية ,, لكنها ذات معلومة قيمة ,, بأسلوب جذاب

عمرك لاقيت إنك مش عارف تتواصل مع حد معين؟؟ رغم إنك فعلا عايز تكلمه؟

عمرك لاقيت مرة واحد ما بتحبش تتكلم معاه خالص؟؟ كده من غير سبب ,, !!

هل مرة لاقيت إنك مش عارف تبيع سلعتك للزبون بتاعك رغم إنك حاولت بكل إخلاص؟
أكيد أيوه.. مش كده؟؟؟


طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها
(التحدث بإيجابية)


في البداية عايز أوضح لك حاجة مهمة جدا عن عقلنا اللاواعي..

هنعرفها من المثال الصغير ده:



هاقول لك جملتين عايزك تركز فيهم قوي وتنفذ اللي فيهم:
ماتفكرش في وردة حمراء!!
قدرت متفكرش !!
ماتتخيلش سيارة سوداء!!
ها؟ خدت بالك من اللي حصل ده ؟؟ أكيد أكيد فكرت لا إراديا في الوردة الحمراء وفي السيارة السوداء كمان..

إيه اللي حصل ده؟
وحصل ليــــــــــه ؟؟

اللي حصل يا جماعة إن العقل اللاواعي بتاعنا ما بيسمعش الكلام قوي..
ببساطة بياخد الجملة ويقعد يفكر فيها كلمة كلمة عشان يقدر يستوعبها..
فعشان تفهم الجملتين اللي فاتوا كان لازم العقل اللاواعي بتاعك يتخيل .. الوردة والسيارة السوداء !



يعني إيه؟؟ يعني لو عايز أأثر على العقل اللاواعي للشخص اللي باتكلم معاه،ومش عايزه يفكر في وردة حمراء.. يبقى لازم كلامى مايبقاش فيها كلمة وردة دى ..


عشان تفهم قصدي اقرا الأمثلة دي
البائع: الأسعار بتاعتنا مش غالية.. إحنا مش حرامية ونصابين!


الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة(مش مستريح) للصفقة دي، ومش لازم يكون عارف ليه..
لكن ..
احنا عارفين طبعا ليه هو حس بالشعور دا ..



جملة (مش غالية) دي هيركز اللاشعور على كلمة (غالية) لا إراديا..
والجملة التانية (احنا مش حرامية ونصابين) هيفهم منها إنهم (حرامية ونصابين)!

:: يبقى تصحيح المثال السابق ::

يبقى المفروض البائع يقول مثلا: أسعارنا مناسبة جدا.. إحنا يهمنا ثقة العملاء!

نفهم من كده إيه؟؟

نفهم إن إنت لو عايز تأثر في اللي قدامك بحاجة، يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات...
واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض..

مثال تـــــــانى ::

الطبيب: ماتخافش.. الحقنة مش بتوجع خالص.


هــــــــا .. إيه رأيك في المثال ده؟؟

يللا مع بعض نطلع الكلمات السلبية:

أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف..
ثاني كلمة سلبية هي: (مش بتوجع).. دي هتخليه يتخيل الألم والوجع..

يبقى المفروض يقولها ازاي؟؟

الطبيب: اطمئن.. هتحس براحة بعد ثواني!
(ملاحظ إننا ماذكرناش كلمة "حقنة" أصلا؟)

ويـــــذكر لنا الكــاتب هذه الملحوظة الهامة التى عايشها بنفسه

(ملحوظة: لكل الاطباء التكنيك - مفيد جدا - في إقناع المريض بأخذ الحقنة.. تجنب
الكلمات السلبية زي: ماتخافش- ماتقلقش– زي شكة الدبوس...

اتكلم معاه يا دكتور عن الراحة والشفاء وإن حقنة البنج مريحة لأنها حقنة بنج أساسا..
خدت بالك .. ببساطة لأن هي دي الحقيقة، بس المهم هنوصلها له بأي طريقة؟).

البنت لخطيبها: ماتقلقش يا حبيبي.. عمري ما هاخونك أو أكرهك!!!
طبعا كلنا حسينا بصدمة من الكلام ده..
عشان الكلمات السلبية زي: ماتقلقش- هاخونك – أكرهك!!!

المفروض الجملة دي تتقال كده:

البنت لخطيبها: اطمئن يا حبيبي.. أنا مخلصة لحبنا وهافضل أحبك على طول!!

شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى...

ندخل على الحكمة بتاعة النهارده:



مهم جداً معنى الكلام الذي نقوله..
والأهم هو: كيف نقول هذا المعنى؟؟

استخدم كلمات إيجابية دائما في حياتك ..
ولاحظ الفرق الذي سيحدث في علاقاتك مع الناس ..


وأعرف الحقيقة دي..
الناس اللي بيستخدموا كلمات سلبية كتير في كلامهم،
الناس بتبتعد عنهم ومش بتحب تتكلم معاهم.
.

افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟
بيشتم كتير؟
بيثير الإحباط؟
ركز في كلامه هتلاقي الكلمات اللي قلنا عليها..
الكلمات السلبية..


على عكس الناس اللي بتحب تتكلم معاهم..
فكر في واحد بتحب تتكلم معاه وبتستمتع بكده.. يـــا ترى ليه بتحب تتكلم معاه ؟؟

مبتسم Smile
متفائل Smile
بيهون على الناس اللي حواليه مشاكل الحياة ..
ركز في كلامه هتلاقي الكلمات اللي بنقول عليها..
الكلمات الإيجابية ..


قبل ما نختم بقى تعالوا نلعب لعبة


اختار الجمل والكلمات الإيجابية اللي توصل المعنى بصورة صحيحة، وحط قدامها علامه (صح)

أنا مش عبيط.. أنا فاهم كل حاجة..

خليك ذكي وركز معايا..

الجو النهارده كويس..

يا باشا البضاعة بتاعتي مش بتعفن !

اطمن.. الموضوع بسيط!

هابطل السجاير، واكون إنسان جديد!

البارفان ده ريحته مش وحشة خالص.. بالعكس!

مش هاخذلك يا معلم!

أنا إرادتي قوية جدا.. ثق في كده!

ماتبقاش غبي يا بني.. فتح مخك معايا!

طبعا حليت الواجب كله لوحدي.. إنت فاكرني باكدب؟


كفاية كده؟؟


وبذلـــــــك يكون قد انتهى الموضوع ..
أرجو ان نكون ذو رقابة على الفاظنا ,, وندرك ما نقول ..
حتى نعى ما نقول ,, ومن ثم نستطيع التحسين من طرق تعاملنا من الغير ..

,,,,
وقد قمت بنقل هذا الموضوع بعد التنسيق واضافة بعض التفاصيل وايضاح بعض العبارات ..
فأرجو ان اكون قد وفقت فى اختار الموضوع ..

وأرجوكم لا تنسونى بدعائكم الصالح بظهر الغيب لعل الله يصلح من شأنى .
ودمتم بخير ..

أخوكم ::
الصقر المصرى
الرجوع الى أعلى الصفحة اذهب الى الأسفل
أسامة مصطفى
عضو لامع
عضو لامع


ذكر
عدد الرسائل: 1011

بلد الإقامة: جمهورية مصر العربية



نقاط: 1230
السٌّمعَة: 10


مُساهمةموضوع: رد: احدى قوانين العقل الا واعى تعلم كيف تتعامل مع الغير    7/1/2011, 23:28

أستاذى الصقر المصرى
مرحبا بك فى منتداك وبين أخوة لك بكنون لشخصكم الكريم كل حب واحترام
موضعك غاية فى الروعة والأهمية
فشكرا لك على هذه الفوائد التى تهدينا بها


الرجوع الى أعلى الصفحة اذهب الى الأسفل
كابتن أحمد منصور
عضو سوبر
عضو سوبر


ذكر
عدد الرسائل: 3718

بلد الإقامة: المدينة الفاضلة


نقاط: 5753
السٌّمعَة: 30


مُساهمةموضوع: رد: احدى قوانين العقل الا واعى تعلم كيف تتعامل مع الغير    7/1/2011, 23:39



تصفيق حار لموضوك المدهش وكيفية التعامل النفسي مع الآخرين
اشكرك من اعماق اعماق قلبي علي معلوماتك الذهبية اللي اضافت كتير لعقلي م\ومعارفي
الرجوع الى أعلى الصفحة اذهب الى الأسفل
الصقر المصرى
عضو جديد
عضو جديد


ذكر
عدد الرسائل: 16
العمر: 27

بلد الإقامة: مصر المعادى



نقاط: 28
السٌّمعَة: 0


مُساهمةموضوع: رد: احدى قوانين العقل الا واعى تعلم كيف تتعامل مع الغير    8/1/2011, 00:04


اقتباس :
أستاذى الصقر المصرى
مرحبا بك فى منتداك وبين أخوة لك بكنون لشخصكم الكريم كل حب واحترام
موضعك غاية فى الروعة والأهمية
فشكرا لك على هذه الفوائد التى تهدينا بها

اشكرك اخى الكريم لكلمـــــــــــاتك الطيبة الجميلة هذه ..
بارك الله فيك ..
اشكرك لمرووووووورك الكريم ..
اسعدنى كثيراً بجد ..
واتمنى ان الموضوع يكون نال اعجابك ..
وفعلا //
ساعات كتير الواحد بيحس ناحية انسان كان بيستريح له ,, فجأه انه بينفر منه من غير سبب ..
ولا يعرف سبب هذا النفور ..
ويكمن السبب فى هذا الكلمات السلبية الكثير التى تصدر من هذا الشخص ..
تجعل عقلك ينفر منها ..

دمت بخير


إحساس يفوح عبقا عندما تتكاثف سحائب الحب والامتنان في قلبك

حتى تهطل أمطار عطاءك على قلوب أحبتك لتتشربها أراضيهم الخصبة
فتُزهر حبا ومودة وصفاء ..




ربِّ توفني مسلما وألحقني بالصالحين
وصلّ اللهم وسلم على محمد وآله وصحبه
الرجوع الى أعلى الصفحة اذهب الى الأسفل
الصقر المصرى
عضو جديد
عضو جديد


ذكر
عدد الرسائل: 16
العمر: 27

بلد الإقامة: مصر المعادى



نقاط: 28
السٌّمعَة: 0


مُساهمةموضوع: رد: احدى قوانين العقل الا واعى تعلم كيف تتعامل مع الغير    8/1/2011, 00:08

اقتباس :
تصفيق حار لموضوك المدهش وكيفية التعامل النفسي مع الآخرين
اشكرك من اعماق اعماق قلبي علي معلوماتك الذهبية اللي اضافت كتير لعقلي م\ومعارفي

جزاك الله خير
,,
بجد مرووورك كريم على الموضوع ,, خصوصا بعد استفادتك منه ,,
وان شاء الله تجد المزيد من مثل هذه المواضيع ,,

خصوصا ,, اننى أقوم باعداد أكثر من موضوع ,, أكيد هيكون مفيد لكم باذن الله ,,
ولك خالص التقدير ..
الرجوع الى أعلى الصفحة اذهب الى الأسفل
سحر الدسوقى
عضو نشيط
عضو نشيط


انثى
عدد الرسائل: 283

بلد الإقامة: مصر * بنى سويف


نقاط: 582
السٌّمعَة: 7


مُساهمةموضوع: رد: احدى قوانين العقل الا واعى تعلم كيف تتعامل مع الغير    8/1/2011, 00:38



سلمت يداك
الرجوع الى أعلى الصفحة اذهب الى الأسفل
الوتر الحزين
مدير عام ( أ )
مدير عام ( أ )


ذكر
عدد الرسائل: 18803
العمر: 46

بلد الإقامة: مصر




نقاط: 26782
السٌّمعَة: 121


مُساهمةموضوع: رد: احدى قوانين العقل الا واعى تعلم كيف تتعامل مع الغير    8/1/2011, 05:58

اخي الفاضل

الصقر المصري

موضوع وطرح ولا اروع




بالفعل اخي الكريم طريقه التحدث واستخدام مفردات اللغه في موضعها الصحيح هام للغايه


وكلما كان الكلام في محله وقليل وصادق ولكن به كل ادوات زرع الثقه في الاخرين كان النجاح مضمونا


بارك الله فيك

كل الشكر والتقدير لشخصك الكريم










الرجوع الى أعلى الصفحة اذهب الى الأسفل
http://alalamy.hooxs.com
 

احدى قوانين العقل الا واعى تعلم كيف تتعامل مع الغير

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
الشاعر عبد القوى الأعلامى :: المنتديات العامة :: المنتدى العام-