وخداك على فين

موضوع: وخداك على فين السبت 19 يوليو 2008, 5:38 am

وخداك على فين

خطوتك اللى أنت بترميها

على سكة بتدبل ضحكتها

وخداك على على فين ؟

خليك على مهلك

واستنى شويه

شمسك بتعاندك

وبتفتح لبؤنه الباب

وتخبى الضل بضفايرها

وحديك بتعافر ...

والعرق اللى بينزل منك

وتراب السفر اللى مغطى

ع الوش الشاحب

خايف على نفسك من نفسك

مش عايز تنسى أنك شاعر

وانك إنسان

بتدور ف معالم روحك

عن مرسى لمركبك الدايبه

أو عش صغير لولادك

ورفوف الكتب المنسيه

وطيور الحب اللى بترحل

والضحكه اللى بتهجر وشك

وتروح ما تجيش

والمهر الجامح ف خيالك

بيلف الحلقه على مفيش

وبتخسر ف الساحه رهانك

وتفوق من حلمك

على ألمك مكسور السن

كباية الشاي المكسوره

ورزاز البرد اللي بيدخل

من بين الشيش

وفتيل اللمبه اللى بيحرق قلب القنديل

بدروم السلم

ورصيف الشارع

ورغيف العيش

أحلامك مش زي ما هيه

إشارات السكه

اللى بتهرب من خط السير

والخطوه اللي أنت بترميها

على سكه بتدبل ضحكتها

وخداك على فين

-----------

محمد ربيع محمد

نادى أدباء الفيوم

بل أديب أدباء الفيوم

بقيت محتار في كم المبدعين

نجوم

منتدي الأعلمي عبارة عن كوكبة من النجوم

الله الله علي الشعر والوزن

بصراحة كل كلامك أحلي من بعضيه

دائما ما أشم في كلماتك رائحة الأصالة

دمت أصيل في كل شيء أستاذي الكبير

شكراً

لك ياشاعر

على هذه الإبداعات

الراقية والرائعة . أخي الخبيب

وأستاذي الكريم محمد يك ربيع سلم قلمك وعقلك ويمناك .

فعلا

واخدانا علي فين
بارك الله فيك