ديوان الشاعر محمد عبد القوى حسن

خلود
مهداه الى
شهيدة الجنوب اللبنانى
سناء محيدل
---------------
لميت من الارصفه
خبز اللى متوجعه
يمكن يعود الامل
لما الولاد يشبعوا
باشت فتافيت الكسر
طفحت على وش المدى
نجمايه سودة مبحلقه
قاموا العيال
من غير بطون متنفخه
باتوا العبال لم يغفلوا
للصبح .. فين الصبح ؟
مين يستنظروا
خمسين سنه
ولا مره حود عندن
طفلى الرضيع
مين يرضعه
والا سواد الليل ياناس
مين يخلعه
قامت سناء
من عشها
من ملجأ التوابيت حزينه
مفزعه
صرخة مخاض جوه الحشا متوجعه
وسناء محيدلى فى الجنوب
مش زى صابره مسلمه
ولا زى غزه مرصعه
ولا زى دير ياسين ولا
بحر البقر
عربيه مش متدلعه
داسناء ولا عمر السنا
يرضا يفرط فى الضنا
دايما عنيها مفتحه
شافت عيون كل الرجال متشمعه
مالقتش فينا اى شمخه مولعه
تقدر تهد الصومعه
مالقتش فينا المجدعه
هتكت فى عرض الخوف ووصلت للجثث
جثث الضماير اللى فينا مخلعه
غاصت بحور الزوبعه
لبثت عبايتك ياصلاح اليانعه
واتحزمت .. على سيف على
ركبت بساط الانبيا
وف قلبها .. مليون دعا
من فوق جسر حطين وعدت مسرعه
وبجسمها
ع المنشأت اللى اتبنت من دمنا
حدفت بلا
حصدوا الردى .. من يدها
من فعلها
فى الملحمه السوده فى تاريخهم زكرها
ماهى فجرت
كل اللى مدفون عندها
ربطت مع
كل القطع من لحمها
علم العروبه المزمعه
انا شفتها متوزعه
انا شفتها
على وجه نهر الخلد قاعده مربعه
من حولها
كل البنات الحور هناك بتزفها
انا شفتها
وسمعتها
عبر السهام الساطعه
بتشدنا م الارصفه
انا شفتها
شفت الرجال قاعدين هنا
بينوحوا ويولولوا
على روح سنا
وحايقضلوا .. خمسين سنه
قاعدين هنا يستنظروا
يمكن تقومتانى سناء
وتمسح دمعهم

عدى الشهور
يابنت مشمش ربيعك
فى الفؤاد خضر
لون زهورى
ووسع الشرايين
فتح انسجامى
بابه للضحكه
غنت يمامات الهوى
على وصلة التراحيل
سافرت عيونى لجنونى
فى رحله بلا مواعيد
هل قلتى ام حاتنعيد
كل الكلام الجديد
زى اللى ما اتكرر
بيسيل لعابى لغيابى
الشهد متكرر
وانا مش هاكرر دخولى
لجناينك الوحمانين
لاتشتهينى لسفاينك
فى الهجير
لامواج حنين
قزمى اكتبينى فصلتين
فى دفاتر المغرمين
للغربه والحكايات
قطرك ماعمروش فات
قطرك على رصيف الفؤاد
طالع فى يوم العيد
ياام الامل مندمل
طايلاه ايدين تشريد
خدى الايدين الشفيفه
تمسح سنين الغبار
يوسع فى عينك مدار
بكره بلا ترديد
ولا كنتى ساره ضحكتك
للاحتلام بيا
لكن انشطارك
للربيع بيجود
صدف البحار البايشه
فى عروقك
زاينه المحار اللى جارح
خد حزن شطوطى
ارمى بياضك جوه
منديل الحنين
تلاقينى زادك بين
صحارى السنين
رابط فى اوتادك
حبل الخلاص رابط
والباب داظابط
فتحته للحضور
عدى الشهور
واتصبرى ماتدور
ابدا عليكى الليالى
بطول مياه البحور
وان طيفى
غاب انتداب نسيان
اقرى كتابى ف
ى سما روحك
لقنيه بوحك
يوصلى دوحك
لو هواكى
لزنقة الشرايين
ر
هـ
ى
ن

جـــــــــــــــارة القمـــــــــــر

((( هديـــــــــــــل الحمـــــــــام )))

قمر يلالى فى السموات
----------------
قصيده من شعر العاميه المصريه
مهداه الى برنامج شاعر المليون
-------------------------
فى شاعر المليون فنون وعلوم لكون فى الشكل والمضمون
للمبدعين والمبدعات والسامعين والسامعات
بستان هوى ونسيم رقيق
من خلفه ناس تفتح مراسيها لشطوط
وموانى لبحار الصدف وامواج تراث
ولجان امان الحكم فى ميزان حساس
وشيخ جليل نبته اصيل .. مثل النخيل الشامخات
تعطينا من شهد الرطب شوق وامنيات
هنا منطلق مجد وعبق صوت التاريخ يحكى حكايات
وامهات كتب الفنون
ومفردات عرس وقانون
واغنيات عشق الاماكن وعبير لسندس كون مكنون
هنا كون بيفرد فى جناحاته كما يمام الغار
انوار جديده
تطلع خطاوى سديده تدخل ميادين رشيده
وتهز كل القلوب وندوب
نشرب كيسان الصفا صد العطا محلوب
من قصر زايد خير وراحه بالمحبه يفيض
تشم منه ريحة الاجاويد تجيد
معنى المعانى والامانى لكل عشاق النسيد
يطلع الفجر الصبوح من ندى ثرى التمجيد
يحكينا ست الحسن الفن والامارات اشارات
نبضات علوم .. همسات رسوم .. لمسات تدوم العمر كله
فى صورة الحوريات
والسندسات والترنيمات والتلميحات والتقسيمات على وتر موزون
يبنى الخليل بن احمد مافوق اساسه التفعيلات
المبدعين مش قايلين الشعر والقايلات
المبدعين الراعيين والشاهدين ومشجعين
الحاسسين متلقيين الحرف بالشوق والمداد
بيصوتوا بالهمس .. من بين عيونهم حس
وعلى جبين الوجه تقاسيم بشارات الرضا
من راضيين وراضيات
روضات جنان ممزوجه بالتحنان
مغموسه فى الفنجان
فنجان عصير الروح على شجر النعيم
يطلع فى عز الضحى من كف شب حليم
وفروع محبه امانى شابه
عيون يفيض الشعر من سحرها بتمجيد
تشرب هنا عسل اشتهاء
وتشم فى نسايم عطاء
وتداوى كل العلل والملل
يجمعها روح من ريحان الامتنان منان
فعلا وطبعا بو ظبى ترتدى توب البهاء
على استحياء
يدخل بها شيخ بن شيخ حامى لقب اجداده
من فرع انبياء الحكمه امراء القلوب
الراهنين كل العمر والامل
لجبين عيونهم وسنين حنينهم
واهبين الارتياح
للعالم المدهوش بهم واللى ما يملك غير حبهم
بيوزعوه ويمزجوه من بين رمال التلال
ينضج زروع ودروع شموع
بتشعل على الدوام المجد
فى لسان احوال كل اللغات وتقول
( من هنا نبدى القصيد .. من هنا نبدى القصيد )
من هنا
كلمه اخيره من هنا
القصيد :- ماهى اللى منشوره فى ديوان
القصيد ماهى اللى مكتوبع فى بيان
القصيد ماهى اللى ببحث لها عنوان
القصيد هى المكان والزمان والناس
الراعيين الشعر والشعراء
ولجنة التحكيم .. والشيخ محمد وعشاقه .. والمرتدين توب الملايكه
فى زهوة العنفوان وعفة الازهوان
ورقة الشبات وحكمة الشبان
وعطفة الامهات وصورة الاكتمال
فى جفون شيوخنا وعيون فهارس شموخنا
وصلاح فلاح التاريخ
اللى بيحكى تاريخنا
القصيد بتكتبوها فى عقولكم
نقراها احنا فى عيونكم
نكتبها من احبار مدادكم
على مدارك دروبكم
وفوق مزارع فروعكم
تظهر لنا صوركم على كل صدر وعجز
وتد مفروق ومجموع وفاصله صغرى وكبرى
تطلع لكل الجموع موزونه من احاسيسكم وعلى دقات كفوفكم
ترسم معالم حاضركم
وتنهل من ماضيكم
تحكى لبكره عليكم
يقروها احفادكم على وجه مياه خليجكم
جريد نخيلكم
اوراق شجر ابداعكم
ادوار عباداتكم
اعماد انارتكم
مجالس امارتكم
فى بدوها وحضرها
وسهلها وتلها
تقف القصيده جبل فى وش الريح
تصبح دروع تسبيح
ترحم الكون الفسيح وتقدم التباريح
والتوضيح لكل حضاره كل مناره وتسبق جميع الحضارات
تصعد اعالى السموات
كل حرف نجم
كل نقطه ضوء
كل بيت سما
وعنوان القصيده
قمر يلالى فى السموات

جـــــــــــــــارة القمـــــــــــر

((( هديـــــــــــــل الحمـــــــــام )))

ردا على الشاعرين صلاح جاهين واحمد نجم
===============

ودى مصر نشيد الروح ودوى المجروح وهوى الايام
مصر الامل المتبقى لغنوة قلبى مع الاحلام
انا مصر ان كنت هاغنى واقول مواويل مالهاش فى الحصر
هافضل فى غناها وسحر حلاها اقول واعيد ولا اخلص يوم
على شط النيل فلاحه خدود قداحه معاها الشاى
صياد مفتون بجمالها وسحر احوالها معاه الناى
بيلحن دقة قلبه ويوصف حبه مع الالحان
قاعد طول عمره لقمره يصيد النجم فى عز الضهر
يغزل من لوعة قلبة نسيج الفرقه ساعة ما تمر
من جنب الترعه البارعه وجنب السور الواد مبهور
لساه فلاح بيغنى يعبر عنى فى شوق الشوق
وانا واقف تحت الضله معايا القله شجر برقوق
ونخيل مايميل غير للمواويل بيطاطى باحلى سلام
وعصارى ترد الروح ونسيم بيبوح وعسل مسموح
من بق صبيه عفيه بتعشق شعرى مع المواويل
انا مصر دى امى وعمى وخالى وهمى وبنتى هدير
وكتايب راكبه ركايب عاوزه تعيش فى جناين الخير
ع البر الشرقى ايذادورا تنادى حبيبها وتغرق موت
على شط البحر اليوسفى حسن ونعيمه فى اجمل صوت
وشفيقه معاها متولى نجيب محفوظ من تحت التوت
بيهادوا الهرم الاكبر كل ابداعهم كله صمود
كان واقف شوقى وحافظ يحكوا النيل عبر الازمان
وبحكوا عن الاساطير والطير ويعدلوا فى الاوزان
ودى مصر بهيه وطه وبيرم التونسى وعمى جاهين
مصر الجامعه المفتوحه وقلعة علم لكل الناس
بتحس الداخل فيها مابين اراضيها بكل احساس
مصر البوابه العاليه الام الغاليه حضاره وفن
مصر الشابه المحروسه خفيفة الدم صغيرة السن
طالعه بعيونها الوالعه وحاده القصه عنيها تجن
كان واقف ابن عروس مع هدى شعراوى فى حارة الفن
بيهادوا الناس امجادهم يحكوا تاريخهم يكتبوا عن
العم جمال الناصر واخد امه فى اوسع حضن
وبيرفع يده جبرتى ويحرص ارضى ماعمرة يون
على موج البحر الكامل مصطفى كامل هادى الكل
من شجرة طلعت حرب فى اول درب نسيم مع فل
وعزمنا امام مع نجم ورحنا لحوشهم سيدنا حسين
ومحمد على فى القلعه ندانا هدانا وقلنا امين
زهران حمدان وغيطانى مع احسان كلنا طالعين
فى المغرب يدن رفعت صوت كروان فى ليالى رمضان
ويجينا فؤاد حداد من قبل الفجر كما الكروان
وفى ليلة العيد السومه بتونسنا مع الالحان
وحليم درويش وحمولى وعبده وطه فى كل مكان
الخفه الرقه الطبل البلدى صعيدى وبحرى اخر روقان
مصر 18 مارس عيد المنيا تاريخ المجد
و23 يوليو الثوره الحره حلاوه تصد
وتخلى الواحد قايم قاعد حاسس انه مالهش مثيل
بطولات فتوحات صفحات امجاد واصاله لشعب اصيل
ياسلام ساعة ماقالوها عبرنا الخط وخدنا التار
ضربوا الشجعان ضرباتهم حققوا زاتهم عز نهار
كان 6 اكتوبر واقف شرق البحر يقولك مر
عدى ياعبعاطى زناتى يافتحى ياقرنى وخطى البر
ارفع اعلام امجادك هادى اولادك نصر كبير
وابعت للام بهيه احلى تحيه دى وش الخير
خليها تعاود تانى لعصر اغانى واكل فطير
قلها عدينا لسينا بكل سكينه عدونا فر
قولى يامايا لولدى حدايا العالم كله اصبح حر
طلعنا بطلعه ابيه عفيه قويه كل الغل
حطمنا خطوط وحودو وسدود مع دود فى حقيقه وعلم
وادى مصر بكل مافيها بزهر واديها بتطلع فوق
كان على مع مصطفى امين مع روزاليوسف ليهم حس
وروايح السيده زينب نور الازهر فوق الوش
وسادات والجمسى وهيكل وضعوا الخطه وجات بالعز
ومبارك ضرب الضربه وكانت صايبه وهزت هز
كان برضوا السد العالى نوره ملالى فى عرق الطمى
قام طلع قطن وقمح ونخل بيرمى من فوق رمى
وانا قاعد اكتب شعرى واغنى لمصر واعيد واقول
انا مهما اكتب يابلدنا مش راح يخلص منى القول
انا نفسى اكتبلك مره قصيده جديده تقول وبجد
عن مصر الاصل الحب الفرح الشوق الانس الود
الحرب العلم السلم الفكر الحلم جمال القد
بصراحه انا اسف جدا واقف عاجز كلى كسوف
مش قادر قلمى يعبلا واقف هايم مليان خوف
بس المشتاق لبلدنا وقدرة زاتنا سلاحنا عتادنا ييجى يشوف
ويزور ويدور الكرنك والاهرام والقلعه ثم يطوف
وساعتها يدوب فى هواها وسحر حلاها يحب ثراها مايمشى قوام
ماهى مصر نشيد الروح ودوى المجروح وهوى الايام
مصر الامل المتبقى لغنوة قلبى مع الاحلام

جـــــــــــــــارة القمـــــــــــر

((( هديـــــــــــــل الحمـــــــــام )))

الشهر الفاضل جانا

الشهر الفاضل جانا تعالوا نرحب فيه ونقول
هليت ومليت البيت والغيط بالخير والدفا والنور
اهو جه رمضان بامان وحنان فتعالوا نصلى نصوم
نسهر للفجر معانا البدر ف ليلة القدر نقوم
نقرا القران ندعى الرحمن ونخش جنان على طول
الشهر الفاضل جانا تعالوا نرحب فيه ونقول
صحوا الاولاد احمد ووداد علشان يتناولوا سحور
يسمعوا تواشيح وغنا وتفاريح ويشوفوا الكون مبهور
كل الاشجار جتى الازهار والسما مليانه انوار
وديان وتلال وسهول وجبال بساتين وانهار وبحار
الكل يهنى الكل بورد وفل وفرحه ومبتسمين
من يوم مايهل يطل الخل يلاقى امل وحنين
فيه السلطات والمحشيات والحلويات وكنافه وقمر الدين
والماء والتمر بطول العمر حاجات تانين حلويين
والذكر داشاغل الفكر الفرحه البكر بطول اليوم
م الفجر الضهر العصر ادب قران تفاسير وعلوم
والمغرب فيه الاكل الشرب وحشو البطن قوام
الكل يقوم يديها ولا يخليها تقول محتاجه طعام
ف العشا والجو مريح تحلا التراويح ودروس اذكار واوعاظ
وف ليل رمضان الحان وجنان وحكاوى كمان الغاز
الكل ف شهر الخير بيطير كالطير ويحقق كل ميول
الشهر الفاضل جانا هدانا تعالوا نرحب فيه ونقول
الكل بيغسل ذنبه وهمه وكل معاصى العام
وبيوصل اخته وخاله وعمه ويعطف ع الايتام
اهو جانا الشهر بكل افضاله تعالوا نتمسك بيه
ونحاول نطلع منه بفايده كبيره ونطلع نجرى عليه
ناخده باحضان مليانه ايمان ونقوله اخيرا جيت
دانت يارمضان انسان فنان مليان احسان بتنور كل البيت

للشاعر : محمد عبد القوى حسن
عضو اتحاد كتاب مصر

جـــــــــــــــارة القمـــــــــــر

((( هديـــــــــــــل الحمـــــــــام )))

هنا بغداد

************

هنا بغداد يااهل الضاد
هنا رافدين
هنا القادسيه مع بابل
صلاح الدين
هنا حجيه بدويه
تقوم الفجر دوريه
تصحى النار فى تنورها
تسوى الخبز وعجينها
وتهدى لخبزها حنينها
هنا القيمر على الريوق
يلم الكل ريوقها
يبوسوا اليد فى شروقها
وتبدا يومها وسط السوق
فارد لخياله الف شراع
يحب القاع يحاكيها
ومن انهاره يرويها
وياخد منها يديها
عبادته صلاته بين قاعه
وفرحه وطرحه واوجاعه
وكل حياته بين ايديها
بيرحل منها واليها
يغيب فيها يعود ليها
ويحفظ كل اسرارها
حكاويها
ويعزف لحن اوتارها
يغنيها
كتير نهارات
كتير سهرات
تعدى ازمان وتيجى ازمان
واقف شاهد على اللى كان
وعلى اللى صار على اراضيها
ولما يميل ويضعف يوم
تضيع الصحه ييجى الشوم
يوصى اولاده ياولادى
فى لحظة موتى اوصيكم
تشيلوا الغاليه فى عنيكم
عشان هيه اللى ربتكم
كتير من خيرها وعطتكم
مابخلت يوم
وشاب جميل ومحبوبته
بيكتب ليها اشعاره
ويعزف لحن اوتاره
يناجيها يهاديها
بورده جميله من بستان
فى جنة ربنا الرحمن
وهيه تشيله فى عيونها
وتهديله عبير لونها
يعيشوا العمر فى سعاده
وعرس كبير بيجمعهم
وفيه الاهل والاصحاب
وفيه كل الجميع احباب
ماحدش غاب
وطفل وطفله صباحى
سروحوا المدرسه بدرى
يغنوا اناشيد وطن صادق
وطن بالفرحه يحضنهم
وطن محبوب ما فهش عيوب
وطن فى الروح سكن روحه
وطن بيبوح كتر نوحه
وطن مذبوح ومين يقدر
يداوى بسرعه فى جروحه
وطن غالى
فى سمواته يغنى الطير
ملان بالخير
وطن اغلى من التكاليل
وطن مافى اغلى من قاعه
وطن ياحسرتى ولوعتى
على الاوطان فى غربتها
وطن من قال بانه فى يوم
راح يركع لبعض انذال
وييجى العار على ايديهم
وطن تواريخ
وطن حضارات
وطن اوطان وكله حنان
وطن بالحضن دفانا
وطن من شهده وعطانا
وطن فى البرد غطانا
وطن اوطان وكان مليان
بالاطمئنان
وكان مليان كتير فرسان
كتير شجعان وكله امان
وطن كان كل شىء ينبض
مابين شرايينه بالافراح
وطن اعراس
وطن محفور فى جوانا
نشمه عبيرنا وهوانا
وطن والله مافيه مثله
وطن بالدم نكتبله
اناشيدنا واشعارنا
ونطلع فى جميع لوقات
نحامى له وندفع له نقدم له وندى له
ومهما عطينا ما يكفى
ولا نقدر بكل مافينا هانعبر
عن اللى نشيله لعراقنا
ولملازنا
اكيد ياغاليه يابغداد
يابصره ياكوفه ناصريه
اكيد ذى قار وعاظميه
وعاطفيه وكاظميه
وفى المنصور هايملى النور نواحيها
ياخد م الفرحه يديها
غنى ومصابيح
فى وسط ساحات
فى بغداد قلعة الامجاد
وننسى جراحنا وافراحنا
وما نرجع نفرط يوم

فى عرض وارض امجادنا
نربى فى ارضنا اولادنا
ونعبد ربنا المعبود
فى فجر جميل
ندى وودود
هاتتحرر اراضينا
تغنى الضحكه فى عنينا
ونطلع نركب الباصات
نزف الغاليه باغنيات
نروح لدوامنا فى انشراحات
نداوم كل لتجاهات
يدوم العز والصناعات
فى موكب عرس مع فراشات
وحجى وطفل حجيات
ونرفع ايدينا للمولى
يجيب دعواتنا ينصرنا
فى حب عراقنا يسترنا
ما يخجلنا ما يكسفنا
اكيد الرب هايجيبنا
اكيد فى الفرح يكتبنا
يحقق لينا امنيات
ياربى تجيب لنا الدعوات
ياربى تجيب لنا الدعوات
ياربى تجيب لنا الدعوات
هنا بغداد
هنا بغداد
هنا بغداد

جـــــــــــــــارة القمـــــــــــر

((( هديـــــــــــــل الحمـــــــــام )))

انت الوحيد
------
انت الوحيد
اللى ماحدش يعرف
بتحب ايه
ركبت قطر الغربه الابديه
ورحلت عن الدنيا
من غير ماتكتب وصيتك
وتقول فيها
اتمشو شويه مع المغرب
وسط الجناين والزرع
وودعو الشمس ف قلب المغيب
لجلن يطيب قلبى
وانا فى التربه ماكتبتهاش
ولا قلت فيها
اتوزعو على الندوات
ف عز عز الشتا
وارجعو ماشين على الاقدام
ولا تاكلوش لحمه وكفته وكباب
ماكتبتش ليه فى وصيتك
عن كل شىء بتحبه
وبيستعطفك وبيستجديك
مين هايترحم عليك
مين اللى فاضى يناديك
دلوقت بس قعدت
تفكر فى القبر
ان الدنيا حلوه
من غير مرض لعين
اسمه الفقر
من غير نساوين جميله
ونساوين وحشه
من عير عناد وموت حظ
من غير هروب فى اللاشىء
واللاستقرار
واللاحيره
ولا زحمه
ولا وجود من اصله

احتمال
------
احتمال اكون بانصهر
مابين التمرد على البيئه
وبين عقول الفلاحين
الصبح بيشدنى من البشر
ويسيب فى ننى عيونهم
عيونى الخضره
وشكلى الوسيم
اهرب من عيون البنات
اتدارى فى طلب اولادى
للسندوتشات
واباغت الدوشه ف دماغى
اركب فرس السكات
ساعات
لما بشوفنى سرحان
فى مشهد درامى لواحد شحاته
وشايله عيل
عنيه مش باينه من الجفاف
ولابس جلابيه كستور
مش باين لون خطوطها من الوسخ
او تسرقنى البنت الهبله
وتستعطفنى
فافصل فى عنيها مشاهد دراميه
واقعد ابكى
تكتب فى نظراتها
على صفحات المدى
مسكينه
وعارفه انك دايما
بتعطف على
انت الوحيد اللى ليه
اتفاجا على صوتها وهيه
بتسبلى الدين
اصحى من النوم الروتين
واسهر مع المترحلين من السنين
ف السفر دايخين لا هما واصلين
ولا واقفين ولا راجعين
فيه شبه مابين الناس
اللى راقده على الافران
بينهجوا من البرد
والمرض الحاجه
الجوع الكسل الجهل الاحباط
العوزه الفقر
فيه شبه مابينهم وبين السنين

جـــــــــــــــارة القمـــــــــــر

((( هديـــــــــــــل الحمـــــــــام )))

مرحب مرحب ياعبد الله
بـــــاذن الله الــهــادى وبــأسـمـه
راح نـــتـــبـــارك iiبـــالــخــيــرات
مـولـود جـانـا عـزيـز مـن iiاسـمه
عــــبـــد الله ابـــــــو الــبــركــات

لــــك مــــن والــــدك يـاعـبـد iiالله
الـــــــف تــحــيــه وتــعـظـيـمـات
جيت فى تاريخ على مصرتا غالى
ســـتـــه اكــتــوبـر iiلــنـتـصـارات

وانـــا يـاحـبـيبى الـغـالـى iiبـحـبـك
ويـجـيـب ربـــى فـــى iiالــدعـوات
تــطــلــع واعــــــى ومــتــوعــى
وســـــط الاخـــــوه iiوالاخــــوات
شـوف مـن مده ياولدى iiواحشنى
اكــثــر مــــن عــشــرة ســنـوات

هـــــــل هــــلالـــك iiيـــاعــبــدالله
يـــابـــن مــحــمــد تــســلـم iiوالله
وجـــدك عــبـد الـقـوى ان iiشـالـه

يــــوم ســتــه اكــتـوبـر iiهــلـيـت
ســنــة الــفـيـن وتــلاتــه iiجــيـت
يــــوم لـتـنـيـن نــــورت iiالــبـيـت
وانـــا بـقـدومـك يـابـنـى رضـيـت
واشــكــر ربــــى لــيــه صــلـيـت

لـــكـــن يــاعــبـد الله iiاســمـعـنـى
والا عــشــان مـاصـغـيير iiيـعـنـى
لازم تــطـلـع تـمـشـى ف iiدربـــى
عــابــد يــابـنـى وشــاكــر iiربـــى
جــاهـى وقـوتـى هــوه وعـزمـى
ربــــــــــك يـــاعـــبـــد الله iiاللهك
اعــبـده لــجـل يـقـيم مــن شـانـك
قـــبـــل مــاتــوصـل الابــتـدائـيـه
تـــحــفــظ يـــاولـــدى iiالـــقـــرأن
لـــمـــا تـــخـــش iiالاعـــداديـــه
تــكـون قــارى سـيـرة الـعـدنان
لــــمـــا بــتــدخــل iiلــلـثـانـويـه
تـقـرى كـتـب اشـكـال iiوالـلـوان
ســاعـة مـابـتـوصل لـلـجـامعيه
تــكـتـب مـــن الـشـعـر iiديـــوان
شــعـرك يـابـنى يـكـون لـبـلادك
وطــنـك شـرفـك عـرضـك زادك
اوهـــب لـيـهـا عـــزم iiجــهـادك
كـــلــنــا فــــــدوه iiلـــلاوطـــان

انـت يـاولدى .. من.. بنى iiعامر
قـريه عـظيمه وقايمه فى سامر
امــا الـمـركز يـابـنى .. الـعـدوه
لــكـل مــراكـز الـمـنـيا iiداقــدوه
نــتـبـع كــلـنـا يــابـنـى iiلـمـصـر
الــلـى مـالـيـها نـهـايـة iiحــصـر
ام الــخــيـر والــهــنـا iiوالــنـيـل
ام حــضـاره عـظـيـمه iiطـويـلـه
ام الـــعــظــمــه ام iiالــبــنــيــان
مـصـر صـعـيد مــع iiبـورسـعيد
مـصر سـويس مـع وادى iiجديد
مـصر عـرابى ومـصطفى iiكامل
سـعـد نـجـيب مـع عـمى iiسـعيد
مــصـر اكـتـوبـر فـيـه iiاعـيـادنا
وجيتنا صبحنا نعيش فى عيدين
مــصــر بــحــاروه iiوفــلاحـيـن
مــصـر كــفـاروه iiاسـكـنـدرانيه
مــصــر قــتـا مـــع لـسـمـاعليه
مـــصــر الاقــصــر والـغـربـيـه
مـصر سـوهاج مـصر الـشرقيه
والــمــنـصـوره iiيــاسـواحـلـيـه
مـصر تـشيل فـى النيل iiمواويل
يــحــكـى تـــاريــخ iiالـبـنـأدمـين
مـصر ان يـابنى قـعدت
مصر ان يابنى قعدت احكيلك
مـش هـاقدر يـابنى iiحاوفيلك
تـتـبـع مــصـر لأمـــه قـويـه
ام الـــضــاض ام iiالــعـربـيـه
امــه يـاولـدى ولـيها رسـاله
برضوا ياولدى قولتها iiقواله
قـالـت فــى تـلاتـه iiوسـبـعين
فــى الـقـادسيه وفـى حـطين
لـيها قـائد سـاكن iiالـسعوديه
نــــوره بـيـسـطع iiلـلـبـشريه
امـه ان وقـفت يـوم حـاتقول
صـبـرت يـامـا وبـكره iiتـنول

اســمـع بــرضـك iiيـاعـبـدالله
اوعـه تـقول انـى الـخير بره
الـخـير يـابـنى مـالـى iiبـلادنـا
ربــك عـاطـى ومـانـح iiزاتـنا
لــكـن احـنـا مــش iiحـامـدين
فـيه فـى ايـدينا اسـلحه iiيـاما
حـاتـقوم فــى الـدنـيا iiقـيـامه
وانـا ياحبيبى انا مش زعلان
مــــن اسـئـلـتـك ولا iiقـلـقـان
بــيــت الــمـقـدس iiلـلـعـربان
مـهـما يـزيد بـطش iiالـطغيان

جـــــــــــــــارة القمـــــــــــر

((( هديـــــــــــــل الحمـــــــــام )))